மே 11, 2024 • Makkal Adhikaram
தேனி மாவட்டம், வீரபாண்டியில் உள்ள ஸ்ரீ கௌமாரியம்மன் திருக்கோயில் சித்திரை தேர் திருவிழாவில் ( மே 10 ) தமிழ்நாடு சமூக நல பத்திரிகையாளர்கள் கூட்டமைப்பின் சார்பாக அன்னதானம் சிறப்பான முறையில் பக்தர்களுக்கு வினியோகித்தனர்.
இந்த அன்னதானத்தை துவக்கி வைத்த செயல் அலுவலர் மற்றும் அதிகாரிகள் தலைமையில் இந்நிகழ்ச்சி நடைபெற்றது. மேலும் இந்நிகழ்ச்சியினை சிறப்பான முறையில் ஏற்பாடு செய்த தமிழ்நாடு சமூகநலன் பத்திரிக்கையாளர்கள் கூட்டமைப்பின் மாநில பொதுச் செயலாளர் சுகன்யா முரளிதரன் அனைவரையும் வரவேற்றார்.
அன்னதானத்தை கோயில் திருவிழாவில் உணவு மற்றும் தண்ணீர் பாட்டல்களை நிர்வாகிகள் விநியோகிக்க பக்தர்கள் உணவருந்தி நன்றி தெரிவித்தனர் . இந்த நிகழ்ச்சியை சிறப்பான முறையில் ஒருங்கிணைத்து, தமிழ்நாடு சமூக நலன் பத்திரிகையாளர்கள் கூட்டமைப்பின் தேனி மாவட்ட நிர்வாகிகளான மாவட்ட தலைவர் கம்பம் அசோக் குமார், மாவட்ட துணை தலைவர் போடிநாயக்கனூர் பாண்டீஸ்வரன், மாவட்ட இணை செயலாளர் கூடலூர் சிவபாண்டியன், கூடலூர் கனித்கர் ரத்னா, கம்பம் சிவகுமார், ஓடைப்பட்டி ராஜா உள்ளிட்ட மாவட்ட உறுப்பினர்கள் பங்கு கொண்டு நிகழ்ச்சியை சிறப்பாக செயல்படுத்தினர்.
மேலும், இந்த அன்னதானம் கொடுத்த தமிழ்நாடு சமூக நலன் பத்திரிகையாளர்கள் கூட்டமைப்பினருக்கு பக்தர்கள் வாழ்த்துக்களையும் நன்றியையும் தெரிவித்தனர் .தவிர, இந்த அன்னதானம் வழங்க நன்கொடை வழங்கிய நல்ல உள்ளங்களுக்கு தமிழ்நாடு சமூக நல பத்திரிகையாளர்கள் கூட்டமைப்பின் சார்பில் நிர்வாகிகள் நன்றி தெரிவித்துள்ளனர்.
மேலும்,சமூக நலனில் அக்கறை கொண்டு சிறப்பான அன்னதான நிகழ்ச்சியை தேனி மாவட்ட நிர்வாகிகளும், மாநில பொதுச் செயலாளர் சுகன்யா முரளிதரனுக்கும் ,தமிழ்நாடு சமூகநலன் பத்திரிகையாளர்கள் கூட்டமைப்பின் தலைவர் மற்றும் மக்கள் அதிகாரம் பத்திரிக்கையின் ஆசிரியர் கே. என். ராஜேந்திரன் பாராட்டு தெரிவித்து வரவேற்றுள்ளார் .
