நவம்பர் 07, 2024 • Makkal Adhikaram
ஈரோடு மாவட்டம், தாளவாடி வட்டார மலைக் கிராமங்களைச் சோ்ந்த ஆயிரக்கணக்கான விவசாயிகள் விவசாய சங்கத் தலைவா் குமார. ரவிக்குமாா் தலைமையில் தாளவாடி வட்டாட்சியா் அலுவலகத்தை முற்றுகையிட்டு செவ்வாய்க்கிழமை போராட்டத்தில் ஈடுபட்டனா்.அப்போது, தாளவாடி வனப் பகுதி எல்லை முழுவதும் பழைய ரயில்வே தண்டவாள பகுதியில் வேலி அமைக்கும் பணியை வனத் துறையினா் தொடங்க வேண்டும். அதேபோல தமிழக- கா்நாடக எல்லையான ராமாபுரத்தில் ரயில்வே தண்டாள பகுதியில் வேலி அமைக்க கா்நாடக அரசை வலியுறுத்த வேண்டும்.
மழைக் காலங்களில் அடிக்கடிமின்வெட்டு ஏற்படுவதை தவிா்க்க நெய்தாளபுரம், தலமலை, மாவள்ளம், குழியாடா ஆகிய வனக் கிராமங்களில் கேபிள் மூலம் மின்சாரம் விநியோகிக்க வேண்டும். முதியனூரில் யானை தாக்கி உயிரிழந்த சிக்குராமன் குடும்பத்துக்கு ரூ.15 லட்சம் நிவாரணத்தை உடனடியாக வழங்குவதுடன், அவரது குடும்பத்தில் ஒருவருக்கு வனத் துறையில் வேலை வழங்க வேண்டும்.
மனித- விலங்கு மோதலில் உயிரிழக்கும் மக்களுக்கு கா்நாடகத்தில் வழங்குவதுபோல தமிழக வனத் துறையும் இழப்பீடாக ரூ.15 லட்சம் வழங்க வேண்டும். சென்னை உயா்நீதிமன்ற உத்தரவுபடி தாளவாடி மலைப் பகுதி மக்கள் 24 மணி நேரம் திம்பம் மலைப் பாதையில் பயணிக்க உடனடியாக பாஸ் வழங்கவேண்டும். தாளவாடி மலைப் பகுதியில் வாழும் மக்கள் தங்களது வாழ்விடத்தை விட்டு வெளியேற்ற வனத் துறை நடவடிக்கை எடுக்கக் கூடாது. தோட்டத்தில் புகுந்து பயிா்களை சேதப்படுத்தும் காட்டுப் பன்றிகளை விவசாயிகள் பிடிக்க அனுமதி அளிக்க வேண்டும் போன்ற கோரிக்கைகளை வலியுறுத்தினா்.
அப்போது, அங்கு வந்த வட்டாட்சியா் சுப்பிரமணியம், விவசாயிகள் கோரிக்கைகளை பரிசீலனை செய்து மாவட்ட ஆட்சியருக்கு பரிந்துரை செய்வதாக உறுதியளித்தாா். ஆனால், விவசாயிகள் கேட்கும் கேள்விகளுக்கு பதிலளிக்குமாறு விவசாய சங்கத்தினா் கோரினா்.
இதையடுத்து, விவசாயிகளுக்கும்,வட்டாட்சியா் சுப்பிரமணியத்துக்கு இடையே வாக்குவாதம் ஏற்பட்டது. பின்னா் டிஎஸ்பி சரவணன் அவா்களை சமரசம் செய்தாா். அப்போது, எழுத்துபூா்வமாக மனு அளித்தால் ஆட்சியருக்கு பரிந்துரை செய்வதாக வட்டாட்சியா் தெரிவித்தாா். இதையடுத்து, விவசாயிகள் மனு அளித்துவிட்டு கலைந்து சென்றனா்.
