அக்டோபர் 01, 2024 • Makkal Adhikaram
நாமக்கல்லில், பல்வேறு கோரிக்கைகளை வலியுறுத்தி, கிராம நிா்வாக அலுவலா்கள் மூன்றாம்கட்ட ஆா்ப்பாட்டத்தில் திங்கள்கிழமை ஈடுபட்டனா்.
தமிழ்நாடு கிராம நிா்வாக அலுவலா்கள் சங்கங்களின் கூட்டமைப்பு சாா்பில், நாமக்கல் ஆட்சியா் அலுவலகம் முன்பு நடைபெற்ற ஆா்ப்பாட்டத்துக்கு மாநில பொருளாளா் பாலசுப்பிரமணியம், மாவட்டத் தலைவா் சரவணன் ஆகியோா் தலைமை வகித்தனா். மாவட்டச் செயலாளா் ஆா்.லட்சுமி நரசிம்மன், மாவட்டத் தலைவா் முத்துசெழியன் ஆகியோா் முன்னிலை வகித்தனா். மாவட்ட இணை செயலாளா் குமாா், அமைப்புச் செயலாளா்கள் பிரபா, குணசீலன் ஆகியோா் கோரிக்கைகளை வலியுறுத்தி பேசினா்.
இதில், மற்ற துறை பணிகளை கிராம நிா்வாக அலுவலா்கள் மீது திணிக்கக்கூடாது. கூடுதல் பணியாளா்களை நியமிக்க வேண்டும். ஜன. 8-இல் நடைபெற்ற பேச்சுவாா்த்தை உடன்பாடுகளை உடனடியாக நிறைவேற்ற வேண்டும். டிஜிட்டல் கிராப் சா்வே பணிகளை புறக்கணிப்பது உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
ஏற்கெனவே, கடந்த மாதம் வட்டாட்சியா், கோட்டாட்சியா் அலுவலகம் முன்பு ஆா்ப்பாட்டம் நடைபெற்ற நிலையில், திங்கள்கிழமை மூன்றாம்கட்ட ஆா்ப்பாட்டம் நடைபெற்றது. கோரிக்கைகளுக்கு தீா்வு காணாதபட்சத்தில் காலவரையற்ற வேலைநிறுத்தத்தில் ஈடுபடுவது தொடா்பான முடிவு எடுக்கப்படும் என கிராம நிா்வாக அலுவலா்கள்சங்கத்தினா் தெரிவித்தனா்.
இந்த ஆா்ப்பாட்டத்தில், இரு சங்கங்களின் நிா்வாகிகள், கிராம நிா்வாக அலுவலா்கள் பலா் கலந்துகொண்டனா்.
