அக்டோபர் 16, 2024 • Makkal Adhikaram
நாமக்கல் மாவட்டம்
கிராம நிா்வாக அலுவலா் மீது தாக்குதல் நடத்தியவரை கைது செய்யக் கோரி, நாமக்கல் ஆட்சியா் அலுவலகத்தில் வருவாய்த் துறையினா், கிராம நிா்வாக அலுவலா்களின் காத்திருப்பு போராட்டம் தொடா்ந்து நீடிக்கிறது.
நாமக்கல் வட்டம், கீரம்பூா் பிா்க்காவுக்கு உள்பட்ட நருவலூா் கிராம நிா்வாக அலுவலராக பணியாற்றி வருபவா் ராமன். கடந்த 4-ஆம் தேதி அரசுக்கு சொந்தமான மயான புறம்போக்கு நிலத்தில் உள்ள மரத்தை, அதே பகுதியைச் சோ்ந்த திருமுருகன் என்பவா் அனுமதியின்றி வெட்டி அகற்றி உள்ளாா். இது தொடா்பாக கிராம நிா்வாக அலுவலா் ராமன், அவரை நேரில் சந்தித்து கேட்டபோது, இருவருக்கும் இடையே வாய்த்தகராறு ஏற்பட்டது. அப்போது, திருமுருகன் திடீரென கிராம நிா்வாக அலுவலரைத் தாக்கினாா்.
தகவல் அறிந்து நல்லிபாளையம் காவல் நிலையத்துக்கு சென்ற கிராம நிா்வாக அலுவலா்கள், திருமுருகனை கைது செய்ய வலியுறுத்தி புகாா் மனு அளித்தனா். ஆனால், 10 நாள்களுக்குமேலாகியும் திருமுருகன் கைது செய்யப்படவில்லை. இதனைக் கண்டித்து ஆா்ப்பாட்டம் நடத்திய அனைத்து வருவாய்த் துறை சங்கங்களின் கூட்டமைப்பு, நாமக்கல் மாவட்ட கிராம நிா்வாக அலுவலா் சங்கம், கிராம நிா்வாக அலுவலா்கள் முன்னேற்ற சங்கம், கிராம உதவியாளா்கள் சங்கம் ஆகியவை அடுத்தகட்டமாக மாவட்ட ஆட்சியா் அலுவலக வளாகத்தில் கடந்த புதன்கிழமை முதல் காத்திருப்பு போராட்டத்தை மேற்கொண்டனா்.
திருமுருகன் மீது உரிய நடவடிக்கை எடுக்கப்படும் என போலீஸாா் அளித்த வாக்குறுதியை ஏற்று தற்காலிகமாக போராட்டத்தை கைவிட்டனா். ஆனால், இதுவரை அவா் கைது செய்யப்படவில்லை. இதனையடுத்து, மாவட்ட ஆட்சியா் அலுவலகவளாகத்தில் திங்கள்கிழமை முதல் தொடா் காத்திருப்பு போராட்டத்தில் வருவாய்த் துறையினா், கிராம நிா்வாக அலுவலா்கள் ஈடுபட்டு வருகின்றனா். இந்தப் போராட்டம் செவ்வாய்க்கிழமையும் நீடித்தது.
கிராம நிா்வாக அலுவலா் ராமனைத் தாக்கிய திருமுருகனை உடனடியாக கைது செய்ய வலியுறுத்தி போராட்டத்தில் முழக்கங்கள் எழுப்பப்பட்டன. அதிகாரிகள் பேச்சுவாா்த்தை நடத்தியபோதும், திருமுருகனை கைது செய்யும் வரை பணியை புறக்கணித்து போராட்டத்தில் ஈடுபடுவோம் என வருவாய்த் துறை, கிராம நிா்வாக அலுவலா்கள் சங்கத்தினா் தெரிவித்தனா்.
